Inicio Noticias General Tertulia Pachín de Melás "La bici avera persones, el coche allóñales"
Noticia
Tertulia Pachín de Melás "La bici avera persones, el coche allóñales" Imprimir E-mail
 
 
Despues de ser invitada Asturies ConBici a la tertulia "Pachín de Melás", desde la página web de la tertulia se hace un resumen de ésta. A continuación os copiamos una parte de ella (puedes leer el resumen completo en la web de la tertulia Pachín de Melás)
 
Un preséu pa un cambéu. Esta ye la definición de la bicicleta que da'l presidente de Asturies Con Bici, Rafa Fernández. La tertulia cultural Pachín de Melás, que se celebra mensualmente nel Chigre Cantábricu, en Xixón, apurrió'l xueves un espaciu a la reflexón sobre esta desconocida ente los medios de tresporte.

Mientres una hora de conversación, baxu la proclama - lesbicicletes son pa tol añu-, falábase de cuántu camudaría una ciudá si ciclistes y peatones tomen les sos cais y apostren los vehículos privaos a un segundu planu. Alteriaría inclusive la forma de rellacionase de la xente. N'Asturies esta llucha entá tien un llargu camín por percorrer, y dellos frentes abiertos.
Una de les batalles nes que ta somorguiada Asturies Con Bici ye la de viaxar coles bicis nos trenes y autobuses. Por casu, nos trenes de Feve nun se sabe a qué altor s'atopa'l vagón con plataforma pa bicicletes, pos varía nos distintos trenes. "Entá nun hai costume de ver a la xente con bicicleta", comentábase.
Los "horarios nefastos" del serviciu municipal d'arriendu de bicicletes de Xixón fueron otra de les quexes plantegaes. Namás puede usase una bici pública ente les ocho la mañana y les seis y media de la tarde, lo que les fai incompatibles col horariu d'estudiu y trabayu de munchos ciudadanos. A años lluz d'arriendos como'l de Barcelona (de siete de la mañana a dolce de la nueche ente selmana y les 24 hores del día les fines de selmana).

Tamién hubo espaciu pa les propuestes de futuru. Como la plantegada al CTA (esto ye, al Gobiernu del Principáu) consistente de señalizar rutes por carreteres secundaries pocu transitaes como "encamentaes pa bicicletes". Asina podría percorrese, por casu, Xixón-Uviéu.

Rafa destacó que la bici ta preparada pa tou tipu de persones, "sías como sías físicamente, dende aventureros hasta xubilaos y persones con movilidá amenorgada". Unu de los socios de Asturies Con Bici tien una sola pierna.

Tamién recordó un esperimentu consistente en faer dellos recaos moviéndose per Xixón de trés formes distintes: en coche, en bici y a cuerpu (utilizando l'autobús si yera necesariu). La bici siempres ganaba en tiempu y en dineru. El coche perdía enforma tiempu aparcando y el peatón tenía que pagar los billetes d'autobús.

Coles mesmes sorrayóse la importancia de "llevar la bici a la escuela", porque "edúcasenos enseñándonos qu'hai qu'usar el coche pa tou y dempués eses idees son difíciles de cuestionar". Les rutes ciclistes escolares tamién tienen una gran importancia pa que los peques conozan esta forma de desplazamientu. Un grupu de padres y profesores (que se suelen turnar) van recoyendo a los alumnos nes sos cases y en pelotón muévense toos xuntos cada día hasta'l colexu.
El cursu pasáu entamóse una nel colexu Río Piles (Xixón) con bastante ésitu. Cola esperanza de qu'iniciatives como esta sían efectives pa camudar los vezos de movilidá de futures xeneraciones, llevantóse la sesión.

 
Discuta este artículo en el Foro
Usted necesita iniciar sesión o registrarse para participar en esta discusión.

 
Top